Në emisionin “ABC e Mëngjesit”, në ABC News Kleantino Goga, sipërmarrës dhe i zgjedhur zëvendës president në shoqatën ndërkombëtare të bartenderve, foli për punën e tij dhe industrinë e pijeve.
Klenatino Goga ka arritur të triumfojë në Madera të Portugalisë, ku u promovuan vende dhe kultura të ndryshme.
“Ne lëvizim shpesh. Unë punoj në bazë të takimeve apo eventeve. U votova me 52 vota nga 54. Shqipëria n tregun ndërkombëtar nuk është se ka ndonjë ndikim të madh sa i përket industrisë së pijes, por vizioni dhe duke njohur strategjinë dhe ndikimin që ka në gjeopolitike, u vlerësua”, tha ai.
Gjatë intervistës, ai u shpreh se gjithmonë ka qenë i apasionuar me koktejlet, duke u shprehur se është me rëndësi që koktejli që të jetë edhe i shëndetshëm.
“Sot ka ekspertiza të ndryshme trajnimesh, edhe për formën se si duhet të sillesh me alkoolin, për mënyrën se si dikush duhet të pijë apo çfarë ndikimi ka në gjak”, tha ai.
/abcnews.al/
