Po kalojnë një formë fanstatike dhe këtë e rikonfirmoi fitorja e kësaj të diele.
“Bergamaskët” e Atalanta nuk kanë zhgënjyer në sfidën e javës së 12-të të kampionatit italian të futbollit, Serie A, teksa në “Geëiss Stadium” kanë arritur të mundin me përmbysje, skuadrën e Udinese, me rezultatin që në fund u stakua në shifrat 2 me 1.
Për golin e parë të sfidës menduan miqtë nga Friuli, me mbrojtësin nga Bregu i Fildishtë, Hassane Kamara, i cili tundi rrjetën e “Zikaltërve” në sekondat e fundit të pjesës së parë, mirëpo një rrjetë nga Pasalic dhe një autogol i Isaak Toure mjaftuan që djemtë e teknikut Gian Piero Gasperini të siguronin fitoren e madhe.
Falë këtij rezultati, skuadra e Atalanta ngjitet në vendin e 2-të të tabelës, me 25 pikë, më aq pikë sa Napoli, teksa janë në pritje të përfundmit të sfidës së “Bluve” për të mësuar nëse do të sigurojnë vendin e parë apo jo, ndërsa Udinese mbetet në vendin e 8-të, me 16 pikë. /i.m /abcnews.al
