Ka qenë një emër i njohur.
Marin Cilic nuk është aspak një “dikush” apo “askush” në tenis, pasi vetëm një vit e ca më parë ndodhej në vendin e 22-të në botë, por fatin nuk e ka pasur me vete.
Dëmtimet e zbritën tenistin kroat deri në pozicionin e 777-të në rruzull, por pikërisht në këtë moment të vështirë ai vendosi një rekord, me “veteranin” 35-vjeçar, i cili triumfoi në turneun ATP të zhvilluar në Hangzhu në Kinë, duke mundur tenistin vendas, Zhizhen Zhang.
Mund të duket diçka krejt normale për një njeri që fitoi turneun e madh US Open në 2014, dhe arriti numrin 3 në planet, por gjithsesi rekordi qëndron, kjo sepse Cilic u bë lojtari me renditjen më të dobët në histori që fiton një turne ATP.
Kjo bëri që kroati të fitojë 150 000 dollarë, nga fondi i përgjithshëm prej 1 milionë dollarësh, por kryesorja është që pati një kërcim të jashtëzakonshëm në renditje.
Pas suksesit në Kinë, u ngjit pranë vendit të 200-të, duke fituar më shumë se 500 pozicione. /i.m /abcnews.al
