Skuadra e Juventusit ka arritur të bindë mbrojtësin Leonardo Bonuçi që të rinovojë kontratën edhe për një vit. Kontrata aktuale e mbrojtësit italian, skadonte në vitin 2023, por me firmën e vendosur sot, do të jetë deri në vitin 2024 lojtar i bardhezinjve.
Sezonin e shkuar, Bonuçi fitoi kampionatin Serie A dhe Kupën e Italisë me Juventusin. 32-vjeçari është prej shumë vitesh pjesë e Juventusit, por pati dhe një aventurë 1 vjeçare te Milani, sezonin 2017/18. Me fanellën bardhezi, italiani ka shënuar një gol këtë sezon, ndërsa edicionin e shkuar, tre të tillë.
Bonuçi është një lider i vërtetë te Juventusi dhe pas firmave të Szczesny dhe Cuadrado, “Zonja e Vjetër” ka siguruar një tjetër firmë të rëndësishme./abcnews.al
OFFICIAL ✍ | @bonucci_leo19 a Bianconero until 2️⃣0️⃣2️⃣4️⃣!
? https://t.co/HoW9l6MfT3 #Leo2024 pic.twitter.com/HOdEDj9l51
— JuventusFC (@juventusfcen) November 19, 2019
