Shqipëria do të luajë të hënën ndaj Spanjës ndeshjen e tretë dhe të fundit në grupin B në finalet e Kampionatit Europian “Gjermani 2024” në stadiumin “Merkur Spiel-Arena” të Dyseldorfit, duke nisur nga ora 21:00.
Sfida e tretë dhe vendimtare e kuqezinjve në Europian do të gjykohet nga arbitri suedez Glenn Nyberg. Edhe asistentët e tij do të jenë po suedez, Andreas Soderqvist dhe Mahbod Beigi.
Në rolin e arbitrit të katërt në këtë ndeshje është emëruar ukrainasi Mykola Balakin. Ndërsa, gjermani Christian Dingert do t’i vijë në ndihmë arbitrit kryesor Glenn Nyberg nga dhoma e VAR-it, së bashku me dy asistentët David Coote dhe Marco Fritz. /FSHF
