Antony Blinken, gjatë një konferencë për shtyp së bashku me kryeministrin e Katarit Mohammed bin Abdulrahman bin Jassim al Thani në Doha, tha se diskutoi zhvillimet e fundit me marrëveshjen e armëpushimit nga Joe Biden në fund të majit.
Sekretari amerikan i shtetit tha se Hamasi kishte propozuar një sërë ndryshimesh në kuadrin e paraqitur nga Uashingtoni.
“Ne i diskutuam ato ndryshime mbrëmë, disa nga ndryshimet janë të realizueshme, disa jo,” tha ai.
“Një marrëveshje ishte në tryezë që ishte praktikisht identike me atë që Hamasi paraqiti më 6 maj. Hamasi mund të ishte përgjigjur me një fjalë të vetme: “Po””.
“Në vend të kësaj, Hamasi priti gati dy javë dhe më pas propozoi më shumë ndryshime, një numër prej të cilave shkojnë përtej pozicioneve që ai kishte marrë dhe pranuar më parë.”
“Si rezultat, lufta do të vazhdojë,” tha ai, përpara se të shtonte se do të bënte gjithçka që mundet për të arritur një marrëveshje.
Ai beson se hendeqet mes palëve janë të kapërcyeshme.
“Shikoni, Izraeli e pranoi propozimin, nëse Hamasi vazhdon të thotë jo, atëherë do të jetë e qartë se ata kanë bërë një zgjedhje për të vazhduar luftën që filluan.”
Ai këmbënguli se marrëveshja ishte ende në tavolinë.
“Ne do të duhet të shohim gjatë ditëve në vijim por sa më gjatë të vazhdojë kjo, aq më shumë njerëz vuajnë,” tha ai”.
“Hamasi nuk mund dhe nuk do të lejohet të vendosë për të ardhmen e këtij rajoni dhe popullit të tij”, përfundoi ai.
/abcnews.al
