Më shumë se një në katër fëmijë nën moshën 5 vjeç në botë jeton në varfëri të rëndë ushqimore, që do të thotë se mbi 180 milionë fëmijë rrezikojnë pasoja të rënda për shkak të mungesës së një diete ushqyese dhe të larmishme. Është ky raporti më i fundit i UNICEF, sipas të cilit varfëria e rëndë ushqimore e fëmijëve është e përqendruar në rreth 20 vende.
“Është tronditëse në këtë ditë dhe epokë ku ne e dimë se çfarë duhet bërë”, u shpreh Harriet Torlesse, një nga autoret kryesore e raportit të UNICEF-it të publikuar të mërkurën.
“Fëmijët që konsumojnë vetëm dy grupe ushqimore në ditë, për shembull oriz dhe pak qumësht, kanë 50% më shumë gjasa të vuajnë nga forma të rënda të kequshqyerjes”, paralajmëron kryetarja e Fondit të Kombeve të Bashkuara për fëmijërinë, Catherine Russell.
UNICEF rekomandon që fëmijët e vegjël të hanë ushqime çdo ditë pesë nga tetë grupet kryesore nga qumështi, drithërat, bishtajoret, arrorët, mish, shpendë dhe peshk; vezë; fruta dhe perime të pasura me vitaminë A; dhe fruta dhe perime të tjera.
Por 440 milionë fëmijë nën moshën pesë vjeç që jetojnë në rreth 100 vende me të ardhura të ulëta dhe të mesme jetojnë në varfëri ushqimore, që do të thotë se ata nuk kanë akses në pesë grupe ushqimore çdo ditë.
/abcnews.al
