Kryeministri hungarez tha se Europa po përgatitet për luftë me Rusinë. Viktor Orban, i cili ka lidhje të ngushta me Vladimir Putin, tha se kishte gjithnjë e më shumë shenja se Europa po përgatitej për veprime ushtarake çdo javë.
“Të shkosh në luftë nuk ndodh me një hap,”tha ai, duke shtuar se Europa po përfshihej gjithnjë e më shumë në luftën në Ukrainë.
“Janë tre faza: diskutimi, përgatitja dhe shkatërrimi. Tani po e përfundojmë diskutimin dhe jemi në fazën e përgatitjes. Jemi centimetra larg shkatërrimit,” tha ai.
Pavarësisht dënimit dhe kundërshtimit të gjerë të BE-së ndaj pushtimit të Rusisë, Orban është përpjekur të forcojë marrëdhëniet dypalëshe me Moskën. Ai ka kundërshtuar shumë nisma të BE-së për të mbështetur Ukrainën në rezistencën ndaj forcave të Moskës.
Orban ishte i vetmi mes liderëve perëndimorë, i cili uroi Putin për rizgjedhjen.
/abcnews.al
