Rebelët jemenas Houthi nga lëvizja Ansar Allah kanë sulmuar një anije greke në Detin e kuq. Kjo u raportua nga Komanda Qendrore e Shteteve të Bashkuara (Centcom) në X.
“Houthis të mbështetur nga Irani lëshuan pesë raketa balistike kundër anijeve nga zonat e Jemenit në Detin e Kuq. Anija tregtare Laax me flamur nga Ishujt Marshall, në pronësi greke, raportoi se ishte goditur nga tre raketa, por vazhdoi udhëtimin e saj. Nuk u raportua për të lënduar nga SHBA, koalicioni apo anijet tregtare”, thuhet në deklaratë.
Sipas Centcom, forcat amerikane “shkatërruan me sukses pesë sisteme ajrore pa pilot mbi Detin e Kuq, të nisura nga një zonë e kontrolluar nga Huthi në Jemen, e mbështetur nga Irani”. “U përcaktua se sistemet përbënin një kërcënim të menjëhershëm për transportin tregtar në rajon”, thuhet më tej në deklaratë.
Pas përshkallëzimit të konfliktit izraelito-palestinez në Rripin e Gazës, lëvizja Ansar Allah ka deklaruar se do të godasë territorin izraelit dhe do të ndalojë anijet e lidhura me Izraelin të kalojnë nëpër ujërat e Detit të Kuq dhe ngushticës Bab-el-Mandeb deri sa të ndalen operacionet ushtarake në territorin palestinez.
Që nga nëntori i kaluar, Houthi-t kanë sulmuar dhjetëra anije civile në Detin e Kuq dhe Gjirin e Adenit.
/abcnews.al
