Ministria e Shëndetësisë e Autoritetit Palestinez ka deklaruar se dy palestinezë janë vrarë pas sulmeve izraelite në Jenin në Bregun Perëndimor.
Që nga mëngjesi i ditës së martë raportohet se janë vrarë 10 palestinezë dhe 25 janë plagosur gjatë operacioneve ushtarake izraelite në Jenin.
Ndërkohë total, që nga shpërthimi i luftës midis Izraelit dhe Hamasit më 7 tetor, 516 palestinezë janë vrarë në Bregun Perëndimor nga forcat izraelite ose kolonët hebrenj.
Kryeministri palestinez, Mohammed Mustafa nënvizoi edhe një herë sot rrezikun e përshkallëzimit të sulmeve në Bregun Perëndimor si nga ushtria izraelite ashtu edhe nga kolonët.
/abcnews.al/
