Më shumë se 2,500 njerëz tani janë evakuuar nga zona e rrezikut në Kharkiv, deri më tani. Oleh Syniehubov tha se autoritetet rajonale po vazhdojnë të nxjerrin civilët nga zonat ku vazhdojnë luftimet.
Dhe ndërsa ministria ruse e mbrojtjes tha më herët se forcat e saj kishin marrë kontrollin e pesë fshatrave kufitare në rajonin e Kharkiv, Syniehubov tha se përleshjet vazhdojnë ende në ato 5 fshatra.
“Deri tani armiku vazhdon të bëjë presion në veri të rajonit tonë. Forcat tona kanë zmbrapsur nëntë sulme,” tha ai në konferencën e tij për media.
Zyrtarët e lartë ukrainas kanë thënë vazhdimisht se nuk besojnë se Rusia ka kapacitetin për të nisur një operacion të suksesshëm për të marrë kontrollin e Kharkiv, shtëpia e 1.3 milionë banorëve.
Por analistët kanë sugjeruar se qëllimi përfundimtar i Putinit mund të mos jetë të pushtojë të gjithë qytetin, por të mbrojë kufirin rus dhe të minojë numrin e ushtarëve ukrainas.
/abcnews.al
