Katari i bëri thirrje komunitetit ndërkombëtar të mërkurën që të parandalojë një “gjenocid” në Rafah pas kapjes nga Izraeli të kalimit të qytetit të Gazës me Egjiptin dhe kërcënimeve për një sulm më të gjerë, raporton Agence France-Presse (AFP).
Në një deklaratë, shteti i Gjirit, i cili ka ndërmjetësuar mes Izraelit dhe grupit militant Hamas , bëri thirrje “për veprim urgjent ndërkombëtar për të parandaluar pushtimin e qytetit dhe kryerjen e një krimi gjenocidi”.
Sipas AFP, Izraeli goditi objektivat në Rripin e Gazës të mërkurën pasi pushtoi pikën kryesore kufitare me Egjiptin. Izraeli është zotuar për javë të tëra të nisë një inkursion tokësor në Rafah, pavarësisht nga një zhurmë e kundërshtimeve ndërkombëtare.
Sulmet në qytetin jugor, i cili është i mbushur me civilë të zhvendosur, erdhën ndërsa negociatorët dhe ndërmjetësit u takuan në Kajro në përpjekje për të arritur një marrëveshje për lirimin e pengjeve dhe armëpushimin në luftën shtatëmujore.
Katari, i cili ka pritur zyrën politike të Hamasit në Doha që nga viti 2012, ka qenë i angazhuar – së bashku me Egjiptin dhe SHBA -në – në muaj të tëra ndërmjetësimi prapaskenash midis Izraelit dhe grupit palestinez.
