Ushtria izraelite do të ndalojë përdorimin e sistemeve të saj të mbrojtjes ajrore Patriot të prodhuara në SHBA, duke i zëvendësuar ato me më të reja, më të avancuara në dy muajt e ardhshëm, raporton The Times of Israel.
“Aktualisht jemi në proces të reduktimit të [numrit] të baterive derisa i gjithë sistemi të mbyllet”, tha kreu i Batalionit 138 të grupit të mbrojtjes ajrore.
Sistemi Patriot, i projektuar dhe prodhuar nga firma amerikane Raytheon, u vendos për herë të parë nga Izraeli në fillim të viteve 1990 dhe është një nga sistemet e shumta të përdorura në mbrojtjen ajrore shumështresore të Izraelit.
Masa për përmirësim vjen disa javë pasi Irani lëshoi më shumë se 300 raketa dhe drone në Izrael në sulmin e tij të parë të drejtpërdrejtë në këtë vend. Pothuajse të gjitha predha u rrëzuan.
