Bastisjet në Bregun Perëndimor, vritet në palestinez

Autoritetet shëndetësore palestineze kanë akuzuar forcat izraelite për vrasjen e një burri palestinez dhe plagosjen e dy personave, duke përfshirë një fëmijë, gjatë bastisjeve në qytetin e pushtuar të Jerikos në Bregun Perëndimor dhe kampet e refugjatëve ngjitur me to.

Viktima kishte qëndruar jashtë shtëpisë së tij në qytetin e Jerikos, duke parë trupat teksa kryenin një bastisje, por nuk ishte përfshirë në asnjë luftim.

Agjencia palestineze e lajmeve WAFA tha se dy të plagosurit, përfshirë një fëmijë, u goditën nga plumbat gjatë një incidenti të veçantë në kampin e refugjatëve Aqabat Jabr, pak jashtë Jerikos.