Arsenali ka marrë një vendim në lidhje me Granit Xhakën. Mesfushori me origjinë shqiptare u zgjodh kapiten i ekipit në fillim të sezonit. Lojtarët votuan dhe Xhaka ishte i përzgjedhuri i tyre.
27-vjeçari u “përplas’ me tifozët gjatë ndeshjes shtëpiake kundër Crystal Palace. Mbështetësit e “Topçinjve” kritikuan kapitenin gjatë largimit nga loja dhe ky i fundit nuk i priti mirë fishkëllimat.
Unai Emery nuk e ka grumbulluar më nga ai moment, ndërsa sot ka ardhur edhe dënimi i madh. Sky Sports News raporton se Xhaka nuk do të jetë më kapiteni i Arsenalit. Trajneri spanjoll ia ka komunikuar vendimin lojtarit, teksa kapiteni i ri deri në fund të sezonit do të jetë Pierre-Emerick Aubameyang, i cili mbante rolin e zëvendës kapitenit. /abcnews.al
Emery: I have spoken to Granit and he is no longer one of the captains in the group #Arsenal
— Neil McLeman (@NeilMcLeman) November 5, 2019
