Tomori ka marrë fitoren e parë nën drejtimin e Kristaq Miles. Ekipi beratas mposhti në shtëpi 5-0 Përmetin dhe u ngjit në vend të pestë me 10 pikë. Maliqi i vendit të parë në grupin B të Kategorisë së Dytë është 4 pikë larg, por Tomori ka për të zhvilluar një ndeshje më shumë.
Kryesuesit u ndalën në Këlcyrë. Maliqi nuk shkoi më shumë se një barazim 1-1 përballë ekipit vendas. Miqtë kaluan të parët në avantazh, por Këlcyra ia doli të barazonte dhe të merrte një pikë nga kjo përballje.
Festival golash në derbin Tepelena-Memaliaj. Në fund buzëqeshën miqtë, të cilët fituan 2-4. Vendasit ndajnë vendin e fundit me Selenicën me nga një pikë, ndërsa Memaliaj arrin fitoren e dytë në kampionat.
Më në fund Naftëtari. Ekipi kuçovar vinte nga tre humbje rresht, teksa sot mposhti 3-0 Gramozin. Fitorja e parë në këtë sezon për Naftëtarin, që i largohet fundit dhe ngjitet në kuotën e 4 pikëve.
Nga një gol për pjesë shënoi Butrinti në Çorovodë. Ekipi nga Saranda triumfoi kundër Skraparit dhe numëron 11 pikë. Vendi i tretë në renditje për Butrintin dhe kreu është vetëm një fitore larg. Ndeshja Selenica-Albpetrol nuk u zhvillua. Ekipi vlonjat po has vështirësi të shumta dhe është pranë shkrirjes.
Sot u zhvillua edhe dueli i grupit A të Kategorisë së Dytë midis Klosit dhe Partizanit B, ndeshje që përfundoi me fitoren 2-1 të ekipit matjan. /abcnews.al
Kategoria e Dytë – Java 6
E diel, më 3 nëntor 2019, ora 14:00
Grupi A
Klosi-Partizani B 2-1
Grupi B
Tomori-Përmeti 5-0
Skrapari-Butrinti 0-2
Këlcyra-Maliqi 1-1
Selenica-Albpetrol e ndërprerë
Tepelena-Memaliaj 2-4
Naftëtari-Gramozi 3-0
