Shefi i politikës së jashtme të BE-së, Josep Borrell thotë se vendimi i Izraelit për të hapur korridore të reja për ndihmën humanitare në Gaza nuk do të jetë ende i mjaftueshëm për të parandaluar urinë.
“Pas dënimit të gjerë të vrasjes së 7 punonjësve të WCKitchen nga ushtria izraelite dhe presionit ndërkombëtar në rritje, qeveria izraelite do të hapë disa korridore për ndihmë humanitare. Nuk është e mjaftueshme për të parandaluar urinë në Gaza”, shkroi Borrell në X.
“Rezoluta detyruese 2728 e Këshillit të Sigurimit të OKB-së duhet të zbatohet”, shtoi ai/
Të enjten, Izraeli njoftoi se do të hapte “përkohësisht” kalimin e Beit Hanoon për të lejuar dërgesat e më shumë ndihmave në enklavën e rrethuar./abcnews.al
Following widespread condemnation of the killing of 7 @WCKitchen staffers by IDF and mounting international pressure, the Israeli gov will open some corridors for humanitarian aid. It’s not enough to prevent starvation in #Gaza.
The binding UNSCR 2728 must be implemented. Now. https://t.co/d3oq4wrh5d
— Josep Borrell Fontelles (@JosepBorrellF) April 5, 2024
