Shërbimi Federal i Sigurisë Ruse (FSB ) njoftoi sot se ka arrestuar një 61-vjeçar rus për planifikimin e asaj që e përshkroi si një sulm terrorist në emër të Ukrainës në një kryqëzim hekurudhor trans-siberian në rajonin Sverdlovsk, në Urale, siç raportohet nga agjencia shtetërore e lajmeve TASS.
Sipas TASS, FSB tha se njeriu ishte rekrutuar nga shërbimet e inteligjencës së Kievit në qytetin ukrainas të Lviv dhe ishte dërguar në Rusi.
Gjatë muajve të fundit, Ukraina ka përshkallëzuar sulmet ndaj objektivave brenda Rusisë që janë të rëndësishme për ekonominë e vendit, veçanërisht duke përdorur drone me rreze të gjatë për të goditur një varg rafinerish në pjesën perëndimore të vendit.
Kievi ka thënë më parë se po synon hekurudhën Trans-Siberian, një rrugë kyçe për transportin e mallrave ruse nga një skaj i vendit në tjetrin.
/abcnews.al
