Krahu i djathtë i Navalny: Do të zbulojmë gjithçka për vdekjen e tij dhe do të hakmerremi

Ish-krahu i djathtë i Navalny, Leonid Volkov, tha se “Fondi Kundër Korrupsionit”,  i krijuar nga kundërshtari do t’i paguajë 100 mijë euro kujtdo që jep informacion mbi rrethanat e vdekjes së tij.

Në transmetimin e drejtpërdrejtë në YouTube për të ndjekur funeralin dhe varrimin, Volkov njoftoi: “Do t’i shkojmë deri në fund, do të zbulojmë gjithçka, pavarësisht nga kostoja. Dhe do të hakmerremi.”

Familja e Navalny dhe bashkëpunëtorët e tij e konsiderojnë presidentin rus, Vladimir Putin, përgjegjës për vrasjen e kundërshtarit në një burg të sigurisë maksimale.

Navalny vdiq më 16 shkurt në koloninë penale në Siberi ku po vuante një dënim 19-vjeçar pasi u shpall fajtor për krijimin e një komuniteti ekstremist, financimin e aktivistëve ekstremistë dhe krime të tjera në gusht.

/abcnews.al