Idhulli i Leo Messit quhet Pablo Aimar, ish-fantazisti i River Plate, Valencias dhe Benficës. Ylli argjentinas është rritur me magjitë e patriotit të tij dhe nuk e ka fshehur kurrë admirimin për të.
Por jo vetëm Aimar. Kapiteni i Barcelonës ka dhënë një prononcim për Tyc Sports, aty ku tregon se kush është sulmuesi më i mirë që ka parë gjatë jetës së tij. Zgjedhja nuk është aspak surprizë.
Bëhet fjalë për Ronaldon, por jo Cristianon e Juventusit dhe qindra betejave kundër. Ronaldo fenomeni është zgjedhja e “pleshtit”, i cili nuk vë askënd përpara ish-sulmuesit brazilian.
“Ronaldo ishte një fenomen i vërtetë. Ai ishte më i miri nga të gjithë sulmuesit që kam parë. Braziliani ishte me të vërtetë i jashtëzakonshëm“, thekson ylli dhe kapiteni i Barcelonës. /abcnews.al
