Ilam Aliyev u rizgjodh president i Azerbajxhanit për herë të pestë, me mbi 90% të votave, sipas rezultateve zyrtare të zgjedhjeve të së mërkurës. Ilam Aliyev, 62 vjeç, trashëgimtar i pushtetit pas vdekjes së babait të tij në 2003, mori 91.7 për qind të votave, nga të cilat opozita mungonte.
“Populli i Azerbajxhanit ka zgjedhur Ilam Aliyev si president të vendit”, përmblodhi kreu i Komisionit Qendror të Zgjedhjeve, duke sqaruar se pjesëmarrja ishte 67.7%.
Mijëra mbështetës të kreut të shtetit festuan fitoren e tij në rrugët e kryeqytetit Baku.
Në mënyrë tipike, votuesve iu kërkua të zgjidhnin midis shtatë kandidatëve, përfshirë kreun e shtetit. Në fakt, nga gjashtë kundërshtarët e tij, asnjë nuk ofroi një alternativë reale dhe të gjithë ata “e kishin mbështetur atë në të kaluarën e afërt”, theksoi Organizata për Sigurinë dhe Bashkëpunimin në Europë (OSBE).
Disa madje lavdëruan Aliyev gjatë fushatës zgjedhore, i cili “i mbajti të gjitha premtimet”.
Partitë opozitare, të rraskapitura pas vitesh represioni, abstenuan dhe e cilësuan procesin si “farsë”, ashtu si në zgjedhjet e mëparshme, në 2018-ën.
/abcnews.al
