Izraeli i ka bërë një propozim Hamasit përmes ndërmjetësuesve të Katarit dhe Egjiptit që përfshin një pauzë deri në dy muaj në luftime si pjesë e një marrëveshjeje me shumë faza për të liruar të gjithë pengjet që mbahen në Gaza.
Faza e parë thuhet se do të përfshinte lirimin e grave, burrave mbi 60 vjeç dhe atyre në gjendje kritike mjekësore.
Fazat e mëvonshme do të përfshijnë lirimin e ushtarëve femra, burrave më të rinj civilë, ushtarëve meshkuj dhe trupat e pengjeve të vdekur, sipas raportit, i cili citon dy zyrtarë izraelitë.
Zyrtarët, të cilët thanë se marrëveshja pritej të zgjaste rreth dy muaj për t’u zbatuar shtuan se propozimi përfshinte gjithashtu lirimin e një numri ende të papërcaktuar të rreth 6,000 të burgosurve palestinezë që mbahen në Izrael, por jo të gjithë.
Propozimi nuk përfshin premtime për t’i dhënë fund luftës, por do të përfshijë trupat izraelite që të reduktojnë praninë e tyre në qytetet kryesore në Gaza dhe gradualisht t’i lejojnë banorët të kthehen në veri të vendit.
Gjithsej 110 izraelitë dhe shtetas të tjerë u liruan në këmbim të 240 grave dhe fëmijëve palestinezë të mbajtur në burgjet izraelite si pjesë e një armëpushimi njëjavor në fund të nëntorit.
Që atëherë, disa përpjekje për armëpushim kanë dështuar.
/abcnews.al
