Mauricio Pochettino duket se e ka humbur durimin me lojtarët e tij. Trajneri argjentinas i Tottenham Hotspur ka vendosur të largojë katër lojtarë në muajin janar. Dy qendërmbrojtësit, Toby Alderweireld dhe Jan Vertonghen janë në vitin e tyre të fundit të kontratës dhe Tottenham i ka nxjerrë në shitje.
Gjithashtu, një tjetër mbrojtës pritet të largohet. Ai është anësori i majtë, Dany Rose, që ka dalë nga akademia e Spurs dhe luan prej shumë vitesh në “Ëhite Hart Lane”. Një tjetër emër që Pochettino nuk e do në ekip, është ai i Eric Dier. Mesfushori anglez po bën një sezon zhgënjyes dhe Pochettino ka vendosur, duke e nxjerrë në shitje.
Përveç këtyre katër emrave, nga Tottenham pritet të largohen dhe disa nga lojtarët kryesorë të skuadrës, me Christian Eriksen dhe Harry Kane që po mendojnë seriozisht për të ardhmen e tyre. Në rast se Tottenham nuk rikthehet te rezultatet pozitive dhe të fitojë trofe, dy yjet e skuadrës mund të largohen./abcnews.al
