Një eurogol i Daniel Parejo i hoqi fitoren nga duart Atleticos së Madridit. Ekipi i Diego Simeones po kryesonte 1-0 me golin e Diego Costës, por kapiteni i miqve nuk e kishte thënë akoma fjalën e fundit.
Parejo realizoi një goditje dënimi perfekte tetë minuta përpara fundit të ndeshjes dhe mposhti sllovenin Oblak. Costa kishte zhbllokuar ndeshjen në pjesën e parë, duke kthyer në gol një penallti të akorduar pas ndërhyrjes së VAR-it.
Ndeshja e tretë rresht shtëpiakë që përfundon në barazim për “Colchoneros”, ndërsa Valencia nuk humbet në kampionat prej 14 shkurtit (5-2 kundër Barcelonës).
Ky barazim e mban Atletico Madrid në vend të katërt me 16 pikë. Dy pozicione më poshtë renditet ekipi i Celades, që numëron 13 pikë.
Atletico Madrid – Valencia 1-1
(Diego Costa (pen) 36′ / Parejo 82′)
