Mediat holandeze kanë publikuar pamjet pak para eliminimit mafioz të Festim Latos, i vetëshpallur President i Republikës së Çamërisë.
Kjo ngjarje ka ndodhur në 19 korrik 2019, ku trupi i shqiptarit u gjet i prerë copa-copa, i ndarë në thasë të ndryshëm dhe i hedhur në një kanal në Amsterdam.
Mediat holandeze kanë publikuar me foto dhe video lëvizjet e fundit të 43-vjeçarit Festim Lato, me origjinë nga Vlora, të regjistruara nga kamerat e sigurisë.
Lato është shfaqur për herë të fundit në një kafene, në Abcoude, ku është takuar me disa persona, siç shihet edhe në pamje.
Pas këtij takimi, ai shihet të hipë në një makinë luksoze, pas së cilës nuk është parë më i gjallë.
Në emisionin investigativ të holandezëve thuhet se Lato shoqërohej në makinë nga tre burra dhe një grua.
