Cntraveler, një nga revistat më të njohura dhe prestigjioze të udhëtimeve ka renditur Kosovën në listën e vendeve që duhen vizituar në Europë në vitin 2024.
Kosova, sipas Cntraveler përshkruhet si një vend me male të mrekullueshme, me peizazhe e zona kodrinore dhe një vend me mikpritje të ngrohtë.
Artikulli thekson rrugën e ardhshme të çiklizmit Trans Dinarica, e cila pritet të hapet në vitin 2024 dhe do të lidhë destinacione të ndryshme të bukura në Kosovë. Artikulli përmend gjithashtu ushqimin tradicional shqiptar, flinë si një nga ushqimet që duhet provuar me patjetër.
Nuk është hera e parë që Kosova përfshihet në listat e vendeve të rekomanduara për vizitë, pasi media të tjera, si The Guardian, kanë promovuar Kosovën si destinacionin e ardhshëm për turistët.
/abcnews.al
