Trajneri Armando Cungu u rikthye në krye të Laçit, aty ka qenë i suksesshëm. Tekniku shkodran ka fituar dy trofe në krye të kurbinasve dhe tashmë është rikthyer sërish, pasi Sulejman Starova vendosi të largohej. Sot, Cungu ka folur për Supersport, ku tregoi arsyen pse u rikthye, kampionatin shqiptar deri më tani dhe sfidën ndaj Tiranës:
RIKTHIMI – “Respekti dhe dëshira janë gjithmonë maksimale, që nga momenti i parë që nisa të punoj te Laçi, ku fitova edhe trofe. Që nga ajo kohë, kam mbetur dashamirës i këtij klubi, kjo edhe për korrektesën e drejtuesve, por edhe respektit nga ana e tifozëve. Kjo ishte arsyeja pse e pranova këtë ofertë, nuk u mendova 2 herë. E kam ndjekur Laçin dhe kam parë që skuadra ka bërë ndeshje të mira. Jam i bindur që mund të kishte marrë rezultate më të mira”.
TITULLI – “Çdo trajner kërkon të arrijë suksese të mëdha dhe suksesi më i madh janë trofetë. Kjo dëshirë nuk mungon as te unë, as te drejtuesit dhe as te djemtë, por duhet të jemi realistë, duke menduar si të marrim sa më shumë pikë”.
SUPERIORE – “Është e vështirë të luash ndaj kujtdo, pasi kampionati është forcuar dhe diferencat janë ngushtuar shumë. Nuk e di nëse kanë rënë skuadrat e mëdha, apo janë ngritur ato të voglat, pro sot ndaj çdo kundërshtari në Superiore, është e vështirë”.
SFIDA NDAJ TIRANËS – “Tirana është një emër për t’u respektuar si për atë që ka dhënë ndër vite, ashtu edhe për organikën që ka në dispozicion. Mundësitë për rezultat janë të shumta, por duhet të pranojmë se edhe një pikë në Tiranë”, përfundoi trajneri i ri i Laçit./abcnews.al
