Një burrë nga Florida ka grumbulluar një koleksion prej 2,467 kopjesh të filmit ‘Titanic’ të vitit 1997 në VHS dhe ai synon të mbledhë 1 milion kopje.
Burri i zonës Largo, i identifikuar si JD ose TitanicFan97 në YouTube, tha se ai kontrollon dyqanet, tregjet dhe garazhet e ndryshme për kopjet VHS të filmit të James Cameron dhe ndjekësit e mediave sociale i kanë dërguar me postë kaseta nga e gjithë bota.
“Nuk mund t’i shpëtosh këtij filmi. Të gjithë e kanë pasur, gjyshja jote, mamaja jote, babi yt, kushdo qoftë, dikush në familjen tënde e ka pasur këtë film,” tha JD për WFTS-TV.
Më tej, JD theksoi se ai synon të mbledhë 1 milion kopje dhe të fitojë një rekord botëror për koleksionin më të madh të kasetave VHS të ‘Titanic’.
“Unë shkoj të fle duke menduar për ‘Titanic-un’ dhe zgjohem duke menduar për ‘Titanic’ ,” tha JD.
JD po i kërkon kujtdo që ka kopje rezervë VHS të Titanic që t’i dërgojë ato në PO Box 5355 Largo, Fla., 33779./abcnews.al
