Një 43-vjeçar është arrestuar nga policia në Fier, pasi kishte vënë për të tharë në banesën e tij, rreth 2 kilogram lëndë narkotike kanabis, të cilën do ta shiste më pas.
Policia sekuestroi lëndën narkotike në cilësinë e provës materiale.
Njoftimi i policisë:
Fier/Finalizohet operacioni policor antikanabis i koduar “Adapt”.
Kishte vënë për të tharë në banesën e tij, rreth 2 kilogramë lëndë narkotike cannabis sativa, për ta shitur më pas, vihet në pranga 43-vjeçari.
Sekuestrohet sasia e lëndës narkotike.
Specialistët për Hetimin e Narkotikëve të DVP Fier, të mbështetur në informacionet e siguruara nga inteligjenca policore, se një shtetas kishte përshtatur në banesën e tij, një ambient për tharjen e lëndës narkotike cannabis sativa, kanë organizuar dhe kanë finalizuar operacionin policor të koduar “Adapt”, si rezultat i të cilit u kap në flagrancë dhe u vu në pranga shtetasi 43 vjeç.
Nga kontrollet në banesën e 43-vjeçarit, në fshatin Rreth Libofshë, shërbimet e Policisë gjetën rreth 2 kilogramë lëndë të dyshuar narkotike cannabis sativa, në proces tharjeje, lëndë e cila u sekuestrua në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme, për veprën penale “Prodhimi dhe shitja e narkotikëve”. /abcnews.al
