Është vetëm 20-vjeç, por mund të quhet me plot gojën “lojtari i momentit”. Jude Bellingham është duke shkëlqyer në “aventurën” e tij të re, te “galaktikët” e Real Madrid, teksa deri më tani ka arritur të shënojë 8 gola e të dhurojë 3 asistime, në 9 ndeshjet e para me “los blancos” mes La Liga e UEFA Champions League.
Për transferimin e anglezët në “Bernabeu” ka bërë një koment të shkurtër dhe “fantazisti” i sulmit, Vinicius Junior, i cili në një intervistë është shprehur se i dërgonte çdo ditë shokut të tij të skuadrës, mesazhe ku i kërkonte të vinte në Real Madrid.
“Unë absolutisht doja që Bellingham të vinte në Real Madrid. I dërgova Jude shumë mesazhe vitin e kaluar, ia dërgoja pothuajse çdo ditë për t’i thënë transferohu te ne”,- u shpreh “ylli” brazilian i “galaktikëve”. /i.m /abcnews.al
