DURRËS- Policia ka arritur të parandalojë kryerjen e një vrasjeje nga një shtetas me precedent të theksuar kriminal dhe rrezikshmëri të lartë në qytetin e Durrësit.
Ai është Aldi Mustafa 37-vjeç, i dënuar më parë brenda dhe jashtë vendit, për armë, drogë, kanosje dhe tentativë vrasjeje.
Ai ishte i armatosur me armë zjarri me silenciator, me të cilën ishte nisur për të vrarë një person.
Arrestimi i 37-vjeçarit u bë në lagjen 15 në Durrës. Ai po drejtonte automjetin në kohën kur ka ndërhyrë policia dhe fillimisht ka tentuar të largohet, por kjo tentativë e tij nuk ka rezultuar e suksesshme.
Sakaq, bashkë me të është arrestuar dhe shoqëruesi i tij, i identifikuar si Klevis Kurdiu./ abcnews.al
