FIER- Në pyllin me pisha të Pishporos janë riaktivizuar sërish disa vatra zjarri te favorizuara nga era e fortë. Pavarësisht përpjekjeve të forcave zjarrfikëse të ndihmuara nga efektivet e forcave të armatosura dhe punonjës të zonave të mbrojtura , flaket nuk po mund te neutralizohen.
Sipas prefektit te qarkut Lefter Shehaj, terreni është mjaft i vështirë për të ndërhyrë pasi zona e pyllëzuar është me densitet të lartë ndërsa flakët herë pas herë dalin jashtë kontrollit.
Shehaj ka theksuar se prioritet mbetet neutralizimi i perimetrit të zjarrit për të mos iu afruar zonës së banuar teksa nuk pritet ndërhyrje nga ajri.
