Ministri i Jashtëm kinez Wang Yi, i cili ndodhet në Rusi, i tha presidentit rus Vladimir Putin se Pekini dhe Moska duhet të punojnë për të forcuar bashkëpunimin përballë një “situate komplekse ndërkombëtare”.
“Bota po ecën me shpejtësi drejt multipolaritetit,” vuri në dukje Wang Yi gjatë takimit të tij me Putinin në Shën Petersburg, gjatë të cilit presidenti rus pranoi një ftesë për të vizituar Kinën muajin e ardhshëm.
“Të dyja palët duhet të forcojnë bashkëpunimin e tyre strategjik, shumëpalësh, të mbrojnë të drejtat dhe interesat e tyre legjitime dhe të zhvillojnë përpjekje të reja për të promovuar rendin ndërkombëtar në favor të barazisë dhe drejtësisë,” vuri në dukje ai gjithashtu.
/abcnews.al
