Pasditen e së dielës, skuderia “Ferrari” i dha “fund” dominimit prej 14 garash të pilotit të Red Bull, Max Verstappen, me spanjollin Carlos Sainz që arriti të kapë vendin e parë të podiumit në Çmimin e Madh të Singaporit, duke arritur fitoren e parë për skuadrën e tij këtë sezon.
Për këtë fitore, piloti spanjoll bëri dhe një koment të shkurtër për këtë fitore të magjishme, ku tha se jo vetëm ai, por e gjithë skuadra është në “qiellin e shtatë” pas kësaj arritjeje në këtë sezon të vështirë.
“Një ndjesi e jashtëzakonshme. Falënderoj Ferrarin, pasi ka bërë një sforco të jashtëzakonshme për t’u rikthyer te fitorja pas një fillim-sezoni të vështirë. Në Singapor gjithçka ishte e përkryer.
Duhej të menaxhonim mirë gomat dhe gjithçka funksionoi më së miri dhe arritëm të shkojmë deri në fund, duke qenë makina më e mirë. Doja të ruaja ritmin, të menaxhonim situatën, duke çuar makinën në finish në vendin e parë. Jemi në qiellin e shtatë”,- u shpreh spanjolli. /i.m /abcnews.al
