Gjendja e jashtëzakonshme është shpallur në ishullin e vogël Lampedusa në Itali, për shkak të mbërritjes së mijëra emigrantëve në orët e fundit.
Mediat e huaja shkruajnë se me një popullsi prej 4,500 banorësh, Lampedusa vetëm dje priti pothuajse 7,000 refugjatë dhe emigrantë të parregullt, shumica e tyre nga vendet e shumëvuajtura të Sahelit – Nigeri, Çadi, Burkina Faso dhe Mali, të cilat janë të prekura nga varfëria dhe dhuna ekstremiste.
Ky është një rekord absolut, i cili vjen si pasojë e kushteve të favorshme atmosferike, por edhe për faktin se roja bregdetare tuniziane praktikisht nuk ushtron asnjë lloj kontrolli.
Apocalypse in Lampedusa. The Italian police try to contain the African hordes https://t.co/drJGG33zBu https://t.co/DfwFyF78A9 pic.twitter.com/8E557b9y9z
— RadioGenoa (@RadioGenoa) September 13, 2023
Në ishull, ka kaos ndërsa policia përpiqet të menaxhojë krizën e paprecedentë të emigrantëve, ndërsa mijëra emigrantë janë grumbulluar fjalë për fjalë njëri mbi tjetrin.
Qendra e pritjes, e ndërtuar për të strehuar më pak se 400 njerëz, ishte e mbingarkuar. Burrat, gratë dhe fëmijët u detyruan të flinin në ambient të hapur, në shtretër të improvizuar të mbuluar me batanije mbijetese./abcnews.al
