Greqia prej ditësh po përballet me përmbytjet vdekjeprurëse që kanë sjellë viktima dhe shkatërrimin e shumë ndërtesave.
Mediat greke së fundmi raportojnë se në Pelion janë ngritur grupe të posaçme zhytësish të cilët do të zhvillojnë operacione në kërkim të personave që mund të kenë humbur jetën brenda makinave të zhytura në ujë, pas përmbytjeve shkatërruese.
Ndër të tjera thuhet se në Platanias banorët kishin raportuar se kishin parë dhjetëra makina duke u fundosur.
Megjithatë, deri më tani nuk është gjetur asgjë përveç një automjeti të dëmtuar dhe një varke të vogël. Hetime të ngjashme kryhen edhe në vende të tjera, si në Milinë, por edhe në Lefko Kastro./abcnews.al
