Një luan u arratis nga një makinë po shëtiste rrugëve të Karaçit, duke shkaktuar panik tek banorët për dy orë përpara se të kapej sërish.
Pronari i kafshës e zhvendosi po shkonte në kryeqytet në momentin kur macja u arratis. “Ekipet tona nxituan menjëherë sapo na lajmëruan. Falënderimi i takon Allahut, luani, është i sigurt me ne dhe askush nuk është në rrezik tani,” tha inspektori i Shërbimit të Kafshëve të Egra Mukhtiar Somro.
Luani është strehuar në bodrumin e një ndërtese pasi ka bredhur rrugëve të qytetit për pak kohë. Shëtitja e tij solli kaos në trafik pasi disa furgona të mediave mbërritën në vendngjarje për të raportuar dhe një turmë u mblodh për të parë nga afër kafshën.
Shërbimi i Kafshëve të Egra njoftoi se luani u dërgua në ambientet e tij, pasi ndalohet mbajtja e luanëve në shtëpi në zonat e banuara. Pronari i kafshës është arrestuar dhe do të sillet para drejtësisë, tha drejtori i policisë Shiraz Nazir.
Nuk është e pazakontë të kesh mace të egra në shtëpi në Pakistan. Biznesmenët e pasur janë të njohur për mirëmbajtjen e kopshteve zoologjike private dhe ndonjëherë i hapin ato për publikun. Në vitin 2017, policia arrestoi një burrë që mori luanin e tij për një xhiro natën në rrugët e Karaçit me makinën e tij.
Lajmi për “arratisjen” u bë virale në faqet e rrjeteve sociale, ku disa shprehën shqetësimin dhe të tjerët e trajtuan këtë çështje me humor.
Sighting of a lion near a #Karachi residential area. Just your typical Karachi traffic-lions commuting on #ShahraheFaisal Who needs a zoo when you’ve got wildlife on the road? ?? #ImranKhan #ElectricityBills #bubagirl #PetrolDieselPrice #IslamabadHighCourt #آیا_آیا_شیر_آیا pic.twitter.com/5ydNJjeHVG
— Pakistan Viral Series (@pakviralseriess) August 29, 2023
