Një studim ka treguar se njerëzit e lindur në tetor kanë më shumë gjasa të jetojnë deri në 100 vjeç sesa ata të lindur në prill.
Është zbuluar gjithashtu se njerëzit e lindur në shtator dhe nëntor kanë gjithashtu më shumë gjasa të jetojnë një jetë të gjatë. Të lindurit në mars, maj dhe korrik kanë 40 për qind më pak njëqindvjeçar se ata të lindur në muajt e tjerë. Një studim tjetër i njerëzve të lindur në hemisferën veriore zbuloi se foshnjat e lindura në vjeshtë jetonin më gjatë se foshnjat e lindura në pranverë.
Pse foshnjat e lindura në tetor kanë më shumë gjasa të jetojnë deri në 100 vjet?
Ka disa teori prapa këtij hulumtimi. Një ide është se këto foshnje ishin më pak të ekspozuara ndaj sëmundjeve të caktuara sezonale sepse shmangnin temperaturat ekstreme të larta dhe të ulëta të verës dhe dimrit, thotë Nesochi Okeke Igbokwe, një mjek dhe ekspert shëndetësor.
“Ndoshta lindja në tetor krijoi një efekt disi mbrojtës ndaj ekspozimit ndaj sëmundjeve sezonale që në fund mund të ndikojnë në jetëgjatësinë e dikujt”, u shpreh mjeku.
Megjithatë, studiuesit nuk janë plotësisht të sigurt pse kjo është tendenca dhe janë ende duke e hetuar këtë fenomen. Ata thonë se të lindurit në tetor jetojnë 160 ditë më shumë se ata që kanë lindur në pranverë. Kjo është për shkak se ata morën sasinë optimale të dritës së diellit gjatë shtatzënisë dhe zhvillimit të hershëm./abcnews.al
