Pas rreth 1 ore në, “Batumi Dinamos Satvrtneli Baza” të Batumit, “bardheblutë” e Tiranës do të tentojë kualifikimin në përballjen e dytë të fazës së parë kualifikuese të Conference League, pas ndeshjes së parë në “Air Albania” të përfunduar me rezultatin 1 me 1.
Përsa i përket formacionit, tekniku Orges Shehi ka vendosur t’i rreshtojë “bardheblutë” e tij, me formulën 4-4-2, ku në portë është pozicionuar Selmani, në krahët e mbrojtjes janë Përgjoni e Albi Doka, ndërsa qendra mbulohet nga Hoxhallari e kapiteni Najdovski. Në mesfushë bërthama plotëohet nga Regi Lushkja e Jonuzi, me Latifin e Hilën, që u vijnë në ndihmë nga krahët. Ndërkaq, në sulm, ashtu si në ndeshjen e parë do të jenë Kristal Abazaj e Florent Hasani.
Në krahun tjetër, tekniku Gia Geguchadze i ka rreshtuar “gjeorgjianët” e tij me formulën, 4-2-3-1, ku në portë është vendosur Chichkan. Në mbrojtje janë pozicionuar Mamuchashvili, Kabakhidze, Balic e Giorbelidze. Më të tërhequr në mesfushë janë Teidi e Lytvynenko, ndërsa pranë sulmit janë Tsitaishvili, Zaria e Bidzinashvili, me majën e sulmit që mbulohet nga Flamarion. /i.m /abcnews.al
Formacionet zyrtare:
