Me “kollosin” kroat të mbrojtjes, Josko Gvardiol pranë transferimit te Manchester City, për shifrën rekord të 90 milionë eurove, “demat” e Leipzig tashmë janë në kërkim të një tjetër qendërmbrojtësi të talentuar dhe mesa duket e kanë gjetur një të tillë.
Sipas raportimeve më të fundit të mediave gjermane, bordi i Leipzig është pranë arritjes së marrëveshjes për transferimin e 20-vjeçarit francez të Lyon, Castello Luceba për shifrën e 30 milionë euro, pa llogaritur këtu bonuset, mirëpo deri më tani nuk ka asnjë ofertë zyrtare nga gjermanët.
Në krahun tjetër, Lyon kërkon ta zëvendësoje talentin e Kombëtares së “gjelave”, me një “veteran”, teksa bëhet fjalë për ish-“katalanasit” e Barcelona, Samuel Umtiti, me këtë të fundit që mund të transferohet si lojtar i lirë, pas ndërprerjes së kontratës me spanjollët. /i.m /abcnews.al
