Trajneri i Chelsea, Mauricio Pochettino e krahasoi ekipin e tij me Manchester City, i cili fitoi Premier League, FA Cup dhe Champions League sezonin e kaluar.
“Ne duhet të besojmë se Chelsea mund të konkurrojë me një skuadër si Manchester City. Do të jetë e vështirë. Dua të përgëzoj Josep Guardiolën për një arritje të jashtëzakonshme. Është e pabesueshme të shohësh sesi klubi funksionon vit pas viti dhe ruan stabilitetin”, tha Pochettino në një konferencë për shtyp.
Kujtojmë se Pochettino drejtoi Chelsea pasi skuadra përfundoi sezonin në vendin e dymbëdhjetë në renditjen e Premier League. /G.D abcnews.al/
