Dëshirën e pati të madhe që të ishte në Champions.
Kjo dëshirë nuk iu realizua Orlando Kojës, dhe trajneri i Skënderbeut në volejboll për femra do të jetë i detyruar të konkurrojë disa nivele më poshtë.
Pasi humbi titullin kampion në finalen e plej ofit ndaj Partizanit sezonin e kaluar, ekipi korçar zgjodhi të luajë në Kupën Ballkanike.
Lajmin e bën të ditur vetë trajneri Koja në faqen e tij në Facebook, duke dhënë edhe emrat e skuadrave të tjera pjesëmarrëse në këtë konkurrim.
Konkretisht janë Tiras i Greqisë, Voluntari i Rumanisë, Gallatasaraji i Turqisë, Drita e Gjilanit e Kosovës, Banja Luka e Bosnjë-Hercegovinës nga Republika Srpska dhe Spartaku I Serbisë.
Kupa Ballkanike jo vetëm që është një sprovë e vërtetë për vajzat nga Korça, që do t’i ndihmojë të ngrejnë nivelin e tyre, por edhe të jep një mundësi sado të vogël që të shkosh në kupat europiane në shtator.
Këtë të drejtë e merr fituesi, dhe favorit është padyshim Gallatasarji i Stambollit.
Për Skënderbeun, synimi kryesor është të përgatitet për sezonin e ardhshëm dhe të fitojë titullin kampion./ h.ll/abcnews.al
