Presidenti amerikan Joe Biden ka mohuar kategorikisht çdo përfshirje të SHBA-së ose aleatëve të saj në rebelimin e Wagner kundër Kremlinit.
“Ne e bëmë të qartë se nuk ishim të përfshirë”, tha presidenti amerikan.
Ai konfirmoi se kishte biseduar me udhëheqësit e vendeve aleate për t’u siguruar që do të kishte një përgjigje të koordinuar.
“Ata ranë dakord me mua se ne duhej të siguroheshim që të mos i jepnim Putinit ndonjë pretekst për të fajësuar Perëndimin dhe për të fajësuar NATO-n ”, tha ai.
Presidenti Biden tha se ai udhëzoi këshilltarët e sigurisë kombëtare që ta përditësojnë atë “orë pas ore” dhe të përgatiten për skenarë të ndryshëm, të cilët ai nuk i specifikoi.
Ai vlerësoi gjithashtu se rebelimi i Yevgeny Prigozhin është pjesë e një lufte më të gjerë për pushtet në Rusi, duke shtuar se është ende herët për të nxjerrë përfundime të sigurta.
Ai theksoi se, pavarësisht nga zhvillimet në Rusi, Shtetet e Bashkuara të Amerikës do të vazhdojnë të mbështesin Ukrainën dhe njoftoi se në orët e ardhshme do të bisedojë me presidentin ukrainas Volodymyr Zelensky.
/abcnews.al
