Kina po përballet me një valë të re infeksionesh të Covid-19 që mund të arrijën deri në 65 milionë raste në javë deri në fund të qershorit. Ky parashikim alarmues është bërë nga specialisti i sëmundjeve të frymëmarrjes Zhong Nanshan në një konferencë në Guangzhou.
Vlerësimi i Zhong ofron një vështrim të rrallë në ndikimin e mundshëm të variantit më të fundit të omicron, XBB, i cili ka nxitur rritjen e rasteve në të gjithë Kinën që nga fundi i prillit.
Sipas parashikimeve të Zhong Nanshan, eksperti kryesor i sëmundjeve infective, i cili foli në Forumin e Shkencës në Guangzhou, vala e re e pandemisë do të nxitet nga variantet XBB të Sars-CoV-2, të cilat janë bërë dominuese në vend. /Alsat.mk
