Situata në Turqi është e tensionuar, dy ditë para zgjedhjeve vendimtare presidenciale, dhe ndërkohë sondazhet tregojnë se sundimit të Rexhep Tajip Erdogan duket se po i vjen fundi.
Në të njëjtën kohë, drejtori i lajmeve të kanalit televiziv opozitar Tele 1, Merdan Yanardag, pretendoi në një postim në Twitter se ishte planifikuar një atentat ndaj kandidatit presidencial të opozitës, Kemal Kilicdaroglu.
“Mendoj se është e nevojshme të bëjmë të ditur një ngjarje të rëndësishme që do të ndikojë thellë në jetën politike dhe shoqërore të Turqisë. Sepse i besoj burimit tim. Raportohet se një grup ka hyrë në Turqi nga Gjeorgjia për të vrarë Kemal Kilicdaroglu”, tha ai në postimin e tij.
1- Türkiye’nin siyasal ve toplumsal yaşamını derinden etkileyecek önemli bir olayı, -geç bir saatte de olsa- kamuoyu ile paylaşmak gerektiğini düşünüyorum. Çünkü kaynağıma güvendim..
Kemal Kılıçdaroğlu’na suikast yapacak bir grubun Gürcistan’a Türkiye’ye girdiği belirtiliyor.
— Merdan Yanardağ (@merdanyanardag) May 11, 2023
Sipas Yanardag, kreu i operacionit është biznesmeni i arratisur dhe pronari i Metro Holding dhe Metro Tourism Galip Ozturk. Ai jeton prej kohësh në Gjeorgji.
Edhe pse gazetari sqaron se ka një rezervë nëse informacioni i tij është i vlefshëm, ai e pa të arsyeshme ta bëjë publike.
“Mendoj se është e nevojshme që të gjitha njësitë e sigurisë të shtetit ta marrin në konsideratë diçka të tillë”, tha ai.
Në fakt ai pohon se ka një rrezik të madh që tentativa të ndodhë sot.
“Kushtojini vëmendje tubimit të sotëm në Samsunda. Gjithashtu pretendohet se në këtë tubim do të ketë një atentat. Të gjithë të interesuarit duhet t’i kushtojnë vëmendje paralajmërimit”, theksoi ai.
Gazetari shtoi gjithashtu se avokati i Galip Ozturk e ka telefonuar dhe i ka thënë se akuzat nuk janë të vërteta.
Prokuroria e Përgjithshme e Stambollit njoftoi mëngjesin e sotëm se ka nisur një hetim ndaj Merdan Yanardag, për veprën penale të shpërndarjes publike të informacioneve të rreme në publik dhe është thirrur në prokurori për dëshmuar.
/abcnews.al
