Organizata Botërore e Shëndetësisë (OBSH) ka deklaruar se Covid-19 nuk është më një “urgjencë globale shëndetësore”. Kjo deklaratë përfaqëson një hap të madh drejt përfundimit të pandemisë dhe vjen tre vjet pasi organizata e shëndetësisë e cilësoi koronavirusin si një rrezik global shëndetësor.
“Për më shumë se një vit, pandemia ka qenë në një trend rënës”, tha Drejtori i Përgjithshëm i OBSH-së Tedros Adhanom Ghebreyesus në një konferencë shtypi të premten.
“Kjo ka lejuar që shumica e vendeve të kthehen në jetën normale si përpara Covid-19. Dje, komiteti i urgjencës u mblodh për herë të 15-të dhe më rekomandoi që të shpallja fundin e urgjencës së shëndetit publik me shqetësim ndërkombëtar. Unë e kam pranuar atë këshillë.”, tha ai.
Organizata e shpalli shpërthimin e koronavirusit si një emergjencë të shëndetit publik me shqetësim ndërkombëtar në janar 2020, rreth gjashtë javë përpara se ta karakterizonte atë si një pandemi. Sipas të dhënave të OBSH-së, ka pasur më shumë se 765 milionë raste të konfirmuara me Covid-19 që nga fillimi i pandemisë.
Gati 7 milionë njerëz kanë vdekur. Evropa ka pasur rastet më të konfirmuara në përgjithësi, por Amerika ka raportuar më shumë vdekje. Rreth 1 në 6 vdekje totale kanë qenë në SHBA. Rastet arritën kulmin në dhjetor 2022 ndërsa Omicron përfshiu globin, duke goditur veçanërisht fort Paqësorin Perëndimor./abcnews.al
