Pesë vende të BE-së kanë arritur një marrëveshje në parim me Komisionin Evropian për të rifilluar tranzitin e grurit ukrainas pas disa ditësh negociatash.
Bullgaria, Hungaria, Polonia, Rumania dhe Sllovakia kanë kufizuar kohët e fundit importet e grurit nga Ukraina.
Nënkryetari i Komisionit Evropian Valdis Dombrovskis shkroi në Twitter se ekzekutivi i BE-së kishte arritur “një marrëveshje në parim” me vendet “për të adresuar shqetësimet e fermerëve në vendet fqinje të BE-së dhe Ukrainës”.
Marrëveshja përfshin një tërheqje të masave të njëanshme, “masa të jashtëzakonshme mbrojtëse” për grurin, misrin, farat e rapit dhe luledielli dhe një paketë mbështetëse prej 100 milionë euro për fermerët e prekur.
