Loading ...
Jude Bellingham dëshiron të transferohet te Real Madrid.
Sipas AS, mesfushori ka marrë një vendim për të ardhmen e tij, ai dëshiron të luajë për Real Madridin duke filluar nga sezoni i ardhshëm. Jude e konsideron Madridin opsionin më të mirë për të vazhduar karrierën e tij nga pikëpamja sportive.
Pasi kanë marrë pëlqimin nga lojtari, drejtuesit e Real Madridit do të fillojnë negociatat me Borussian.
Pavarësisht se transferimi i Bellingham është prioritet i Real Madridit për verën, klubi madrilen nuk ka ndërmend të paguajë më shumë se 120 milionë euro për lojtarin 19-vjeçar. Nëse Borussia kërkon më shumë, Madridi do të tërhiqet nga marrëveshja, por Real Madrid beson se kjo nuk do të ndodhë.
Këtë sezon, mesfushori qendror ka 11 gola dhe 6 asistime në 39 paraqitje për klubin. /G.D abcnews.al/
