Shtatë vjet më parë në vitin 2016, anija kozmike Juno nisi emisionin e saj në Jupiter, planeti më i madh në sistemin diellor.
NASA njoftoi se Juno përfundoi orbitën e saj të 50-të rreth Jupiterit më 8 Prill, sipas të dhënave nga agjencia hapësinore amerikane. Gjatë secilës prej tyre, kamera JunoCam bën fotografi të planetit nga një kënd dhe distancë e ndryshme.
Anija u emërua pas hyjnisë romake Juno, ekuivalente me perëndeshën Hera të mitologjisë greke.
Deri më sot, Juno ka dërguar një sasi të madhe të dhënash në qendrën e kontrollit të NASA-s, duke përfshirë imazhet e Tokës, Jupiterit dhe hënave të planetit më të madh të sistemit tonë diellor, Ganymede dhe Europa.
Misioni i Junos është të studiojë gravitetin dhe fushën e fortë magnetike të gjigantit të gazit, aurorën e tij shumëngjyrëshe dhe retë rrotulluese, në mënyrë që të zbulojë se si u formua Jupiteri dhe si ka evoluar që atëherë. /abcnews.al
