Ndikimi i të ushqyerit në shëndetin e përgjithshëm të njeriut nuk është sekret dhe disa ushqime, me lëndët ushqyese të tyre, u ofrojnë organeve gjithçka që u nevojitet për të funksionuar pa probleme.
Këto janë disa ushqime që ndikojnë në trurin e njeriut si edhe ndikimi që ata kanë.
Fruta të thata
Arrat dhe llojet e tjera të frutave të thata përmbajnë yndyrna të shëndetshme dhe acidet yndyrore të pangopura, këto mund të kenë një efekt shumë pozitiv në trurin e njeriut. Megjithatë, për shkak të përmbajtjes së lartë kalorike, nuk rekomandohet konsumimi i tepërt i këtyre frutave 13 gram në ditë është doza e rekomanduar.
Çokollatë e zezë
Një çokollatë e zezë gjatë studimeve është një truk i vjetër i universitetit që shumë njerëz e përdornin për disa arsye të mira. Çokollata me një përqindje të lartë të kakaos përmirëson qarkullimin e gjakut, ul nivelin e stresit dhe stimulon rrjedhjen e gjakut në tru, prandaj rekomandohet edhe për njerëzit me nervozizëm, truri i të cilëve punon më shumë për shkak të kësaj ndjenje.
Një studim i kryer tregoi se njerëzit që konsumojnë çokollatë të zezë të paktën një herë në javë kanë rezultate më të mira në testet e aftësive njohëse. Në studimin e publikuar në revistën “Appetite” morën pjesë 968 persona nga mosha 23 deri në 98 vjeç.
Shkencëtarët besojnë se konsumimi i rregullt i kakaos mund të jetë një nga disa faktorë që shpjegojnë efektet pozitive të çokollatës së zezë në funksionin e trurit.
Salmoni
Salmoni përmban një përqindje të lartë yndyrnash të mira dhe të dobishme, si dhe vitaminë D. Një porcion i këtij ushqimi mund të sigurojë deri në 80 për qind të sasisë së rekomanduar ditore të kësaj lëndë ushqyese. Përveç kësaj, salmoni është një burim i shkëlqyer i omega-3 dhe acideve të tjera yndyrore, të cilat ndihmojnë në uljen e presionit të gjakut dhe ndihmojnë në shëndetin e zemrës.
Hulumtimet kanë treguar se acidet yndyrore omega-3 kanë një efekt të shkëlqyer në zgjidhjen e problemeve si ankthi dhe depresioni, gjë që i bën ato një lëndë ushqyese shumë të dobishme për trurin.
Boronica
Përveç përmirësimit të shikimit, boronica, rinovon lëkurën, ul sheqerin në gjak dhe forcon kockat, ato ruajnë përqendrimin dhe forcojnë trurin. Boronicat gjithashtu përmbajnë një sasi të madhe të vitaminave, mineraleve dhe elementëve gjurmë, dhe përveç kësaj, ato janë një thesar i vërtetë natyror i antioksidantëve, prandaj mund të quhet pa dyshim eliksiri i shëndetit dhe rinisë.
Brokoli
Brokoli është i pasur me vitaminë K, e cila është jashtëzakonisht e rëndësishme për funksionin e trurit dhe aftësitë njohëse. Përveç kësaj, përmban edhe acid folik, natrium dhe kolinë, të cilat kanë një efekt pozitiv në kujtesë. Në të njëjtën kohë, brokoli ka një efekt të mirë në sistemin kardiovaskular, imunitar dhe tretës. /abcnews.al
